Yehi Bohat Hai.....

Mohabatoun main jo gham mila hay yehi bohat hai,
Wo rotay rotay yeh kah raha hai yehi bohat hai...

Agar woh shaks ab mera nahi hai to gham nahi,
Guzray dinoun main mera raha hai yehi bohat hai...

Koi zaroori nahi kisi ko main yaad aaoun,
Koi mujhey yaad aa raha hai yehi bohat hai...

Agarchay mayray khilaaf ghalat kaha hai laykin,
Yeh faisala is ney khud kiya hai yehi bohat hai...

Main apnay hissay ka hanss loun meri kahan yeh kismat,
Bas apnay hissay ka roh liya hai yehi bohat hai...

'_'

UNTITLED!

KHUSH THE BAHOT WO

BAHOT KHUSH

K KUCH DIN BAAD

USKI BEHNA KI SHAADI THEE

WO HER LAMHA,HER PAL

JALDI BITANA CHAHTA THA

WO UDUH KE JANA CHAHTA THA

K JIS KE SATH BACHPAN GUZRA

JIS KO APNEY HATHON MAIN KHILAYA

USSEY AB PARAYE GHER KO JANA THA

BAHOT SE CHEEZAIN TOU ABHI

USKO KHAREEDNI THEEN

CHOORIAN, MEHNDI

AUR HAAN PARANDA BHI

JO USKO JAN SE PYARA THA

SAAMAN KI FEHRIST

DIL MIAN SAJAYE

WO BAZAR CHALA THA

SUFAID RANG KA KURTA PEHNAY

MASROOR CHEHRAY KE SATH

WO APNI DHUN MAIN JA RAHA THA

US KO KIA KHABER THEE

KE WO JO SURKH JODA

KHAREEDNE CHALA HAI

AJ KHUD SURKH JODA PEHNEY GA

WO K JIS KO

BEHAN KI DOLI UTHANI THEE

USSE KHUD KANDON PE UTHNA HAI

USSAY KIA KHABER THEE

BAHOT SE KANCH KE

RANG BARANGI CHOORIAN

LE KE ABHI WO NIKLA HI THA KE....

EK AWAZ QAMAYAT SE

FIZA MAIN PAL MAIN GOONJ GAI

WO ZAMEEN PE THA

SURKH KHOON MAIN LIPTA

AAKHRI SAANSAIN AUR AAKHRI TAMNNA

DIL MAIN LYE

WO JA RAHA THA

WO RANG BARANGI CHOORIAN

JO KALAI MIAN SAJNI THEEN

SURKH LAHOO MAIN BIKHER GAIN

WO JO BEHN KO

RUKHSAT KERNE CHALA THA

BEHAN KE SURAT AANKHON MAIN LYE

KHUD RUKHSAT HU GYA

Choriyan! (the journey continues)

It is an answer to what pratz wrote. She said.. chooriyan

CHOORIYAN!

Mujhe ik bar phir,
Yadon ki nagri main,
Janay ka hukum mila,
Main ne tooti chori nikali,
Rakht-e-safar ko bandha,
Dhaltay suraj ko gawah bana,
Main us dais main ja utra,
Jahan haseen pal kuch bitaye thay,
Kuch roop suhanay dikhay thay,
Us raat ki sari narmi phir,
Ankhon main aj utri thi,
Jis raat sitaare roshan thay,
Main ne jab uski kalai thami thi,
Phr chooriyan main ne pehnai theen,
jo saaz ki manind bajti raheen,
Wo raat suhani kitni thi,
Main sooch main ussi ki doba tha,
K pass chori walay k wo nazar ayi,
Meri ankhain utheen phr hileen,
Rokeen phr tehr gayeen,
Usay kitnay rooz bad aj daikha tha,
Ankhon k rastay dil main utartay,
Najanay kitnay pal beetay,
K uski nazron ne mjhe ghaira,
Mera bandha hisar tora,
Wo taiz dorti ojhal hoi,
Magar main ye daikhta kaise,
Usay rookta kaisa,
K mere dehan main to bas,
Wo do nazuk khali kalayan theen,
Wo kiun aj khali theen?
Kia mere hijr main aisa tha?
Main to ye samjhta tha,
K usay aj bhi choriyan achi lagti hain!

-illusiOn~

Guys I guess I have heaten up the battle here "chooriyan" fever is on hope you guys are enjoying urdu/hindi poems here. Your comments are especial for all of us.. Please do comment though there is no race here I bet all are best on their own work! Enjoy~

One thing more please do keep labels same so that we can easily relate the poems.. Hope no one will mind that :D

For more visit: http://illusionplaywords.blogspot.com/

Zara zara!

Mujhe yaad hai ab bhi zara zara,
Tera husn dhata qayamatain,
Wo roop tera atisheen,
Har aan teri ahatain,
Na main bhool saka kuch zara,
Mujhe yaad hai sab zara zara,
Wo Khuda ki tujh pe nematain,
To sarapa jaise rehmatain,
Mera behkna or teri muzhamatain,
Nama main daman apna bacha saka,
Na tujh se he door ja saka,
Na main bhool saka kuch zara,
Mujhe yaad hai han!
Sab zara zara!

Atisheen = آتشیں = Ignescent

Muzhamatain = مزحمتیں = resist