Twisted Chooriyan...

(Sincere apologies for posting this rubbish... but just could'nt resist myself... !!)

Tooti chooriyan lekar baithi thi haath mein,
Jab aaya kahi se woh raat mein,
Aansu poche mere aur kaha,
“Roti ho kyon, main hoon naa saath mein!”

“Aa teri chooriyan judva doon,
Inko fevicol se chipka doon,
Ya kahe to tere liye,
Unbreakable chooriyan banva doon?”

“Paise ki tangi hai aaj kal,
Kaanch ki chooriyan, pehna naa kar,
Toot jaayegi jo fir ye chooriyan,
Nayi chooriyan naa de paoonga lakar!”

“Utaar phenk ye chooriyan,
Hai hamara pyaar ek atoot bandhan,
La badha de ab apni kalai,
Pehna doon tujhe sone ke kangan!!”