Khail ! (The Game)

KHAIL!

Zara ao!
Shuru kardain,
Phir se khail wo apna,
Jahan se chor bethay thay,
Chalo ao!
Gondhain ge zara phir,
Is nazuk si mitti ko,
banain ge naye se ghar,
samo ke khuwab kuch alhar,
Bicha ke farsh par ansoo,
Bunyaad uski khushi rakh kar,
Daman main hansi bhar kar,
Bana kar khoob khelain ge,
Magar jab soraj chupnay ki,
Zid pakar le phr,
Tum bhi ghar laut jald ana,
K ye ghar bhi to tumhara hai,
Tum apnay khuwab dedena,
Us pyase dariya ko behtay samandar ko,
Wo kahan warna payega,
Inhain rukhsat karke ana tum,
K yahan kiya kam hai inka,
Yahan mumkin naheen hai k,
Wo kuch pal bhi zara jee lain,
Or tum to nazuk si larki ho,
Kahan mumkin hai ke seh jao,
Inko daikh k marta,
Chalo choro,
Zara ao!
Chalain hum tm zara khailain,
Phr se khail wo apna!

-Khayal~